Viagra ka shpëtuar shumë meshkuj nga “disfata” në shtrat dhe duket se një nga shpikësit e saj ka zbuluar një ilaç të ri që do të shtojë edhe më shumë kënaqësinë seksuale.
Mike Wyllie, shkencëtari që ishte pjesë e stafit që zhvilloi Viagrën në vitet ’90, do të nxjerrë në treg një medikament që do të trajtojë këtë herë ejakulimin e parakohshëm.
Tempe është aprovuar nga Agjensia Europiane e Medikamenteve dhe pritet që të jetë i disponueshëm në fillim të vitit të ardhshëm.
Ejakulimi i parakohshëm është një problem që prek të paktën 1 në 4 meshkuj. Në testime, meshkujt që e përdorën këtë spraj para marrëdhënies seksuale zgjatën mesatarisht 5 herë më shumë.
Dr. Wyllie tha për ‘Daily Mail’: “Ejakulimi i parakohshëm nuk bën vetëm pacientin të ndihet keq. Ndikon edhe tek partnerja dhe mund të shkatërrojë një marrëdhënie. Unë mendoj se ky medikament mund të shpëtojë çiftet.”
0 comments:
Post a Comment